ပေးစာ from PWK

သို့/

ရေကြည်ရာမြက်နုရာ ပြောင်းရွှေ့နေထိုင်ကြသော်ငြား အသီးတရာ အညှာတစ်ခုသဖွယ် ဖြစ်တဲ့ လုပ်သားပြည်သူအပေါင်းတို့ ခင်ဗျား (အဲ သူငယ်ချင်းများ ညီအစ်ကိုမောင်နှမ များခင်ဗျား)

နေရာအနှံ့ရောက်နေကြတဲ့ သူငယ်ချင်းတွေပြန်လည် အဆက်အသွယ်ရဖို့ ရယ်၊ ကိုးတန်းဆယ်တန်းကလေးတွေကို ပညာသင်ဆုပေးဖို့ရယ် ရည်ရွယ်ပြီး ဒီဘလော့ဂ်ကို စလုပ်ဖြစ်ပါတယ်။ ဘလော့ဂ်မှာ စာလေးဘာလေး စိုစိုပြေပြေ ဖြစ်အောင် ဘော်ဒါတွေ အစ်ကို အစ်မတွေရဲ့ စာမူတွေ ဘာညာသာရကာတွေ တောင်းထားပေမဲ့ ကဗျာနှစ်ပုဒ်ပဲ ရောက်လာပါသေးတယ်။ ကျန်တာကတော့ ZN ရေးထားတဲ့ လက်ကမ်းစာတမ်းတွေပဲ ရောက်လာပါတယ်။ ခု ပညာသင်ဆုအစီအစဉ် အောင်မြင်ဖို့ တာဝန်ကို ZN နဲ့ HKL တို့က တာဝန်ယူထားပြီး ဖြစ်တဲ့အတွက် ဒီဘလော့ဂ်လေး စိုပြည်ဖို့ တာဝန်က ဆြာဖြစ်တဲ့ ကျွန်တော် PWK ရဲ့ ပုခုံးပေါ် ကျရောက်လာပါတယ်။ (အဟမ်း...)

ကျွန်တော်ကလည်း စာရေးရမှာ အလွန်အပျင်းထူတဲ့အတွက် ဆားချက်တဲ့အနေနဲ့ ဖင်ပေါ့တဲ့ ဒဘဲ့ ZN ကိုပဲ DKU ပြန်ပြီး ကျောင်းပုံတွေ ဓာတ်ပုံသွားရိုက်ချေကွာဆိုပြီး တာဝန်ပေးလိုက်ပါတယ်။ ဒီကောင်လည်း ကြောက်ကြောက်နဲ့ ကျောင်းဓာတ်ပုံတွေကို ရှေ့ကတစ်မျိုး နောက်က တစ်မျိုး၊ ဘေးကတစ်ဖုံ၊ အောက်က တစ်ဖုံ၊ အထက်က တစ်ဖုံ၊ အမျိုးမျိုးအဖုံဖုံ ၇၅ ပုံခန့် ရိုက်လာရှာပါတယ်။ အဲဒီထဲမှာ ပုံ ၄၅ ပုံ လောက်က သုံးမရပါဘူး။ ၁၅ ပုံလောက်က ဆင်ဆာမိသွားပါတယ်။ ဒါကြောင့် ကျန်ရှိတဲ့ ဓာတ်ပုံ လေးငါးပုံဆယ်ပုံခန့်ကိုသာ ကျွန်တော် PWK ခမျာ အသုံးပြုနိုင်ရှာပါတယ်။

အဲတော့ ဘော်ဒါများဆီမှာ မြို့ဓာတ်ပုံ ကျောင်းဓာတ်ပုံပဲဖြစ်ဖြစ်၊ ပါဆင်နယ်ပုံပဲ ဖြစ်ဖြစ်၊ အလှပုံပဲဖြစ်ဖြစ်၊ ဘာပဲဖြစ်ဖြစ် ဓာတ်ပုံတွေရှိရင်လည်း ကျွန်တော့်ဆီ ပို့နိုင်ပါတယ်။ မရှိဘူး မငြင်းကြပါနဲ့။ Facebook မှာ ခဏခဏ တွေ့ပါတယ်။ ဥပမာ MS, EL, NNH (မပို့ရင် အဲဒီကပုံတွေ ယူသုံးလိုက်မှာဖြစ်ပါတယ်။)

နောက်တစ်ချက် သတင်းကောင်း ပါးချင်တာကတော့ အလှူငွေတွေ ကောက်ခံနေပြီ ဖြစ်တဲ့ အကြောင်းပါ။ အဲတော့ အရင်အစီအစဉ်အတိုင်းပဲ S-pore က သူတွေက HKL၊ (chinesehkl@gmail.com) ဂျပန်က လူတွေက PPK (phyuphyukywe@gamil.com) တို့ဆီ ပေးပို့နိုင်ပါပြီ။ တကယ်လို့ ပိုက်ဆံမရှိရင်လည်း သူတို့ကို စိုက်ခိုင်းထားလိုက်ပါ။ ကျွန်တော်လည်း ပိုက်ဆံမရှိလို့ ဒဘဲ့ ZN နဲ့ ဒဘဲ့မ ZYM တို့ကို စိုက်ခိုင်းထားပါတယ်။

တခြား မဇ္ဈိမဒေသရဲ့ အပြင်ဘက်ရောက်နေတဲ့ သူတွေအတွက်လည်း စီစဉ်ထားပါတယ်။ စိတ်မပူပါနဲ့။  ရအောင် ကောက်မှာပါ။ (ဥပမာအားဖြင့် AHZ (RU) တို့ PH (PYAY) တို့ AG (Yangon) တို့ဆိုရင် ရန်ကုန်မှာ ရှိတဲ့ ZinYuMay (spytweety@gmail.com) ဆီကို ငွေလွှဲပို့နိုင်ပါတယ်။၂၀၀၀ အောင် ဘော်ဒါတွေ နာမည်စာရင်းကတော့ ကျွန်တော့်ဆီမှာခုထိ ရှိနေပါတယ်။ ပိုက်ဆံပြတ်သွားရင် ချေးလို့ရအောင် စာရင်းကောက်ထားတာ ခု လာအသုံးတည့်နေပါတယ်။

အောက်က ဓာတ်ပုံတွေကတော့ ကျွန်တော့် ဒဘဲ့ ZN လက်စွမ်းပြချက်တွေပါ။ အားရပါးရ ကြည့်သွားကြပါခင်ဗျား)

(PS: ဖိုးထောင်ကတော့ ရောက်ရာ အရပ်က ငါ့ဆီ ဆက်သွယ်ပါ။ ကမ္ဘာအရပ်ရပ်က ဘော်ဒါများ ကျွန်တော့် လိပ်စာ dr.lwanwai@gmail.com ကို invite လုပ်ကြပါခင်ဗျ။ )

အထူးဝမ်းသာဖွယ်သတင်း
ကျောင်းက ကျောင်းသားဟောင်း မဟုတ်ပေမဲ့ ကျွန်တော်တို့လုပ်တာ ပျော်လို့ ဆိုပြီး လှူချင်ပါတယ်ဆိုတဲ့ အစ်ကိုအစ်မတွေ လာပြောထားတာ ရှိပါတယ်။ အဲအတွက် ၀မ်းသာပါတယ်။ ဒဘဲ့ZN နဲ့ ညှိနှိုင်းပြီး အကြောင်းပြန်မှာ ဖြစ်ပါတယ် ခင်ဗျာ။

ပုံ/
PWK (ခေတ္တပစ္စန္တရာဇ်အရပ်)