ရှေးခေတ်ကသူငယ်ချင်းများ

ငယ်ငယ်တုန်းကတော့ ရှေးခေတ်ဆိုတာဟာ တော်တော်ဝေးဝေး ကာလကို ရည်ညွှန်းတယ်လို့ပဲ ထင်ခဲ့တာ။ အခုတော့ အဲဒီ စကားလုံးဟာ ငယ်ဘ၀နဲ့ ကြီးဘ၀ကို ပြည်ဖုံးကားချပေးထားတဲ့ စကားလုံးလို ဖြစ်နေပြီ။ ဘာပဲဖြစ်ဖြစ် ရှေးဖြစ်ဟောင်းတွေကို မကြာမကြာ အောက်မေ့ပါတယ်။ ရှေးခေတ်က သူငယ်ချင်းတွေကို သတိရပြီး မျက်ရည်တွေ ဘာတွေတောင် လည်တယ်။ ယုံပါ။ အခု လွမ်းလွန်လွန်းလို့ စာရေးတာပါ။ ငယ်ကျိုးငယ်နာတွေ ဖော်ချင်လို့ စကားပလ္လင်ခံနေတာမဟုတ်ရပါခင်ဗျာ။

ကျွန်တော် pwk က တော်တော်အေးပါတယ်။ ဒါကို လူတိုင်းသိတယ်။ pwk ရဲ့ ရင်ဘတ်သူငယ်ချင်း တစ်ဦးဖြစ်တဲ့ zn က ဒီလိုမဟုတ်ဘူး။ တော်တော်လေး သွက်ပါတယ်။။ ဒါလည်း လူတိုင်းသိတယ်။ zn ရဲ့ ရိုမန်းတစ် အက်ရှင်လေး တစ်ခုကိုတော့ အားလုံး သတိမူမိကြမယ် မထင်ဘူး။ ငယ်ငယ်တုန်းက zn ဟာ သူ့ထားသခင်ရဲ့ ပုံတူတွေကို ဆွဲဆွဲပြီး မနက်သုံးနာရီလောက်မှာ အိမ်ပေါက်ဝမှာ သွားသွားထားခဲ့ဖူးပါတယ်။ ဒီလုပ်ရပ်ဟာ အတွက် ကျွန်တော်တို့အားလုံး သူ့ကို လေးစားခဲ့ရပါတယ်။ အင်မတန် ရိုမန်တစ် ဖြစ်ခဲ့ပါတယ်။ ဘရာဗို...။ ဒီလိုလုပ်ဖို့အတွက် အခက်ကြီး နှစ်ခက်ရှိပါတယ်။ ပထမတစ်ခက်က ပုံတူဆွဲဖို့ ခက်ပါတယ်။ ပုံတူဆွဲရဖို့အတွက် သူဟာ ထားသခင်မရဲ့ မျက်နှာကို လူမသိသူမသိ သွားသွားကြည့် ရပါတယ်။ သူ့အပါးကြီးနဲ့ အမိုးမသိအောင် ပုံကိုခိုးဆွဲရပါတယ်။ ဆရာ UMA ရဲ့ ကြိမ်လုံးကိုလည်း သတိထားရပါတယ်။

ဒုတိယ တစ်ခက်က ဆွဲပြီးသားပုံတူစာရွက်ကို ထားသခင်ရဲ့ အိမ်ရှေ့မှာ သွားချရတာ ခက်ပါတယ်။ မနက်သုံးနာရီလောက်ကြီး အိမ်သားတွေ မသိအောင် ထရပါတယ်။ အဲပုံတူစာရွက်ကို နှစ်မိုင်ခရီးလောက်ဝေးတဲ့ ထားသခင်ရဲ့ အိမ်ကို ခြေကျင်လျှောက်ပြီး သွားချရပါတယ်။ စာရွက်ကို အိမ်ရှေ့မှာ ဒီတိုင်းသွားချလိုက်ရင် စာရွက်ဟာ လေတိုက်ပြီး လွင့်ပါသွားနိုင်တယ် မဟုတ်လား။ မဆိုင်သူတွေကလည်း ၀င်ကောက်သွားနိုင်ပါတယ်။ ဒါကြောင့် ပုံတူစာရွက်နဲ့ ခဲလုံးကိုပတ်ပြီး အိမ်ပေါ်ကို ပစ်တင်ရပါတယ်။ အဲမှာတင် ခဲလုံးတော်လေးဟာ ထားသခင်ရဲ့ မိခင်ဖြစ်သူပိုင်ဆိုင်တဲ့ မဟာနဖူးတော်ကို တိုက်ရိုက်ခစားမိပါတယ်။ zn ရဲ့ ရိုမန်းတစ် ဇာတ်လမ်းလေးဟာလည်း ဟောရာ (Horror) ဇာတ်လမ်းအဖြစ် ပြောင်းသွားပါတယ်။ နောက်နေ့မနက်မှာ ထားသခင်ရဲ့ အမေက အကြမ်းဖက်သမားကို ဖမ်းမမိတာ အတော်နာတယ်လို ပြောနေတော့တယ်။ zn လည်း နောက် ဆက်မလုပ်ရဲတော့ပါဘူး။ အင်မတန် နစ်နာပါတယ်။ ခုဆို ဒီကောင် စွံအောင်လုပ်ဖို့ နောက်တွန့်သွားပြီ။ ခဲပစ်ဖူးတဲ့ စာသူငယ်လို ဖြစ်နေရှာတယ်။ သနားစရာပါ။ ကျွတ်ကျွတ်။

ဒီကိစ္စဟာ zn ရဲ့ အထူးလျှို့ဝှက်ကိစ္စပါ။ ဘယ်သူမှ မသိပါဘူး။ ကျွန်တော် pwk က ဒါကို ဖော်ကောင်လုပ်တာပါ။ အားလုံး မှတ်တမ်းတင်ပေးပါ။ ကျေးဇူးတင်ပါတယ်။

HKL အကြောင်းကတော့ သိပ်ဖော်ဖို့မရှိဘူး။ ASY ပူဇော်ပွဲမှာ ကျွန်တော်တို့နဲ့အတူ ခေါင်းအမာဆုံးရပ်တည်ခဲ့တဲ့ ဘဏ္ဍာရေးမှူး တစ်ယောက်ပါ။ သူ့အပါးကြီး USW ကို တကယ်သတိရမိတယ်။ ဘယ်ကိစ္စမဆို အတွင်းရေးမှူးမျက်စိနဲ့ စေ့စေ့စပ်စပ်လုပ်ဖို့ သင်ကြားပေးခဲ့တဲ့ အသံကျယ်ကျယ် လူကြီးပါ။ ကျွန်တော်တို့ကို လူကြီးတွေလိုဆက်ဆံတဲ့ တစ်ဦးတည်းသော ပုဂ္ဂိုလ်ကြီးပေါ့။ HKL အကြောင်းပြောရရင် ဆယ်တန်းပြီးမှ လက်ဖက်ရည်ဆိုင်ထိုင်ဖူးတဲ့ အကောင်လို့ပဲ ဆိုရမယ်။ Serious man ပါ။ သူ့ကို နောက်တာလည်း သိပ်မကြိုက်ဘူး။ မကြိုက်လည်း ကျွန်တော်ကတော့ နောက်ပါတယ်။ ကျွန်တော့်တစ်ယောက်ကိုပဲ ဒီကောင် နည်းနည်း ကြောက်တယ်။ ဆြာဖြစ်နေလို့လည်း ပါမှာပေါ့။ ဒီကောင်နဲ့ ပတ်သက်တဲ့ အမှတ်တရကတော့ အင်္ဂလိပ်စာ လက်ရေးဆိုတာ ပြားပြားနဲ့ စောင်းစောင်းရေးမှ လှတာကွလို့ သင်ပေးဖူးလို့ပါ။ ဒီကောင့် အင်္ဂလိပ်စာ လက်ရေးက လှပါတယ်။ လက်ရေးဆက်ကိုလည်း အားလုံးဆက်အောင် ရေးနိုင်တယ်။ သူပြောသလို ပြားပြားနဲ့ စောင်းစောင်းလေးတွေပါ။ ကျွန်တော်လည်း သူ့ကို အားကျပြီး လေ့ကျင့်ပါသေးတယ်။ မအောင်မြင်ပါဘူး။ ပဲပင်ပေါက်ဟာ ပဲပင်ပေါက်ပါပဲ။ ခုတော့ ဒီကောင့် လက်ရေးမဖတ်ရတာ ကြာပြီ။ သူငယ်ချင်းရေ... အရင်လို ပြားပြားနဲ့ စောင်းစောင်းပဲလား.. ။ ကြိုးစားကွာ။ ဒူးယူအာဘက်စ်။

AG ကတော့ အနိုင်ကျင့်သမျှ ခံတဲ့ ဘော်ဒါ တစ်ကောင်ပါ။ အင်မတန် သဘောကောင်းပါတယ်။ မွေးနေ့တွေဘာတွေလည်း သူပဲ အမှတ်တရရှိတယ်။ HKL နဲ့ ကျွန်တော်တို့ရဲ့ မွေးနေ့တွေကို သူပဲ ဒိုင်ခံပြီး လက်ဆောင်ပေးတယ်။ တစ်ခါအိမ်ကိုလာတုန်း ကျွန်တော် ပတ္တလားတီးနေလို့ သူ့ကို စကားမပြောမိတာ တော်တော် ပေါက်ကွဲသွားတယ်။ ဒီကောင်က ရှက်လည်း ရှက်တတ်တယ်။ ရိုးလည်းရိုးတယ်။ သဘောကလည်းကောင်းတော့ မိန်းကလေးတွေက ဒီကောင့်ကိုတော့ အားကိုးတယ်။ MS တို့ ppk တို့၊ EL တို့၊ THH တို့ Pp Bb zym tn တို့လို ကလေးမလေးတွေဟာ ကျွန်တော်တို့အဖွဲ့ကို ခန့်ညားကြောက်ရွံ့ကြတာ များပါတယ်။ ဒီကောင့်ကိုတော့ တယ်မကြောက်ကြဘူး။ ဒါနဲ့ပဲ ဒီကလေးမလေးတွေကို သိပ်မလျှော့ပေးဖို့ ဒီကောင့်ကို ကျွန်တော်တို့က မကြာမကြာ ဆုံးမရတယ်။

ငါးတန်းအေက အဖွဲ့တွေက နောက်နှစ်ကျရင် ခြောက်တန်းအေပဲ ရောက်ပါတယ်။ ကောင်မလေးတွေထဲက PPK တို့ EL တို့ NN တို့ MN တို့က စတော်လေးတွေပါ။ စာတော်တော် လုပ်တယ်။ ကောင်လေးတွေထဲက AMH တို့ HHL တို့ NCM တို့ကိုလည်း အမှတ်ရပါတယ်။ NCM ကတော့ ၀တိဝပြဲနဲ့ အစောဆုံးမိန်းမယူသွားတယ်။ သူငယ်ချင်းတွေထဲမှာ ဆုံးသွားတဲ့ သူတွေလည်းရှိတယ်။ စိတ်မကောင်းစရာပါပဲ။ အချစ်ဆုံးသူငယ်ချင်း PS အကြောင်း ပြောဖို့ ကျန်သေးတယ်။ ဒီကောင်လည်း သေမလို ဖြစ်သေးတယ်။ လူကြမ်းသလောက် စိတ်နုတဲ့ကောင်ပါ။ မျက်ရည်လွယ်တယ်။ သမီးလေးအတွက် ငါမမိုက်တော့ဘူးကွာ လို့ ပြောပြီး ငိုတတ်တဲ့အကောင်။

PPK ကတော့ ငယ်တုန်းက တော်တော် serious ဖြစ်တယ်။ သူစိတ်တိုရင် မျက်နှာပါရဲတာ ကြည့်ပြီး ကျွန်တော်တို့ အံ့သြနေကျ။ သူစိတ်တိုရင် ကျွန်တော်တို့က ကြောက်ကြောက်နဲ့ ခိုးရယ်ရတယ်။ EL NN MN တို့ကိုလည်း သတိရတယ်။ NN နဲ့ MN ကတော့ လူ့သဘာဝကို မလွန်ဆန်ဘူး။ အိမ်ထောင်ပြုကြမယ် ဆိုတယ်။ ငယ်ငယ်တုန်းကတော့ အဲဒီအဖွဲ့က ကောင်မလေးတွေ တစ်ယောက်မှ စွံမယ်လို့ကို မထင်ခဲ့မိဘူး။ အံ့စရာ။ Ms ကတော့ ငယ်ငယ်တုန်းက ကျွန်တော် pwk ဆုပေးခန်းအပေါက်ဝမှာ ချောင်းနေတာ မြင်ပြီး စိတ်မကောင်း ဖြစ်ခဲ့ဖူးတယ် ဆိုပဲ။ တော်တဲ့ သူငယ်ချင်း။ အခုတော့ သိပ်မတည့်တော့ဘူး။ ဆုံးမတာလည်း သိပ်လက်မခံချင်ဘူး။ THH ကလည်း ခုထိ အူကြောင်ကြောင် နိုင်တုန်းပဲ။ လုပ်လိုက်ရင်တလွဲ။ သူရယ်တာက သူများထက် ထူးခြားတယ်။ စတိုင်လေးနဲ့။ ခုတော့ သူလည်း အနောက်ခံရလို့ ထင်ပါရဲ့။ အရင်ကလောက် ပဲမများတော့ဘူး။ သူလည်း ဆြာတစ်ပါးပါပဲ။ zym လည်း အခန်းထဲမတော့ ဆြာပဲ။ ငယ်ငယ်က ထောင့်မကျိုးဘူး။ ခုတောင် ဆရာကို ဆရာမှန်းမသိဘူး။ ဒဘဲ့လို့ ပြန်ပြန်ခေါ်နေတယ်။

nnh တို့ epw တို့ tn တို့ aam တို့ အများကြီးကျန်သေးတယ်။ ဘယ်သူက စရေးရင် ကောင်းမလဲ မသိသေးဘူး။ ရန်ဖြစ်နေကျ သူငယ်ချင်းတွေ အကြောင်း စရေးမယ် စိတ်ကူးတယ်။ မိမိအကြောင်း အကောင်းရေးစေချင်တဲ့ သူငယ်ချင်းများ အချိန်မီ ဖားနိုင်ပါတယ်။


pwk